Sundalagsstevna 2016

 



 Hvalvík 06.06.2016 


Til feløgini! 


Hvalvíkar Streymnesar Róðrarfelag vil við hesum bjóða øllum róðrarfeløgum hjartaliga vælkomnum til kappróður á Sundalagsstevnu, sum verður í Hvalvík leygardagin 11. juni kl. 15:00. 


Byrjað verður við barnaróðrinum kl.13:00. Vit vilja tí heita á hesar manningarnar um at møta á kaiøkinum í seinasta lagi kl.12:00. Allar aðrar manningar skulu møta á kaiøkinum í seinasta lagi kl.14:00. 


Øll hjálparfólk hjá HSR vera í gulum vestum. Ivast tit í nøkrum, er bara at spyrja tey. 


Frásetan av kappróðrarbátum


Bátarnir skulu setast á økið oman fyri O.K Heilsølu inni við bátahylin (1). Tað er uppmerkt, hvar ymisku bátastøddirnar skulu standa. Tølini vera útflýggjað við nýggja dráttin við bátahylin (2). 


Matseðlar: 


Tá ið tølini vera útflýggjað, fáa manningin og eitt hjálparfólk matseðlar. Smyrjibreyð verður at fáa í høllini hjá I.Z. lastbilum (3). 


WC: 


Sunda kommuna hevur sett ein nýggjan vesivogn á kaiøkið (4). 


Parkering av lastbilum


Innkoyring til kappróðrarøkið er við Norðsetur (5). 


Lastbilar og persónbilar skulu setast á økið eystan fyri P.L. Stórbilar og út í móti Norðsetri (6). 


Steypahandanin


Steypahandanin fer fram á kaiøkinum aftaná kappróðurin (7). Tey feløg, ið hava ferðasteyp í 


varðveitslu, vera biðin um at lata tey inn við dráttin í seinasta lagi kl. 14: 00. 


Kappróðrarøkið: 


Fram við sunnaru síðu av kappróðrarøkinum hanga skelti fyri hvørjar 100 m teir seinastu 500 m. 


Fastur startur er festur í land við 500 m og 1000 m startin. Bátar, sum skulu út á 


startin, vera tí bidnir um at halda seg norðan fyri, tá róð verður út. 


Møguligt er hjá bátum at skifta manning inni í bátahylinum (8). 


Hjálagt er kort yvir róðrarøkið. 


Allar manningar, sum ætla at luttaka uttan fyri róðrar skipaðar av RSF, biðjast siga frá hjá Paulu tlf. 283013 í seinasta lagi hósdagin 9. juni 2016 kl. 12:00. 


Heitt verður á feløgini um at kunna rógvararnar um hetta skriv. 


Við róðrarkvøðu 


Hvalvíkar Streymnesar Róðrarfelag 


Jann Thomsen, formaður